काठमाडौं, १० जेठ । नेकपा एमालेका पूर्वसांसद नरेन्द्र बस्नेतको कोरोना संक्रमणका कारण आज सोमबार बिहान निधन भएको छ ।
मोरङको खोर्सानेका ७० वर्षीय बस्नेत कोरोनालाई जित्छु भन्दै घरमै बस्दै आएका थिए । तर, निमोनिया बढेपछि उनलाई दुई दिनअघि धरानस्थित वीपी कोइराला स्वास्थ्य विज्ञान प्रतिष्ठानमा भर्ना गरिएको थियो ।
पछिल्लो समय बस्नेत नेकपा एमाले परित्याग गरेर ऋषि कट्टेल समूहको नेकपाको केन्द्रीय सदस्य बनेका थिए । खोर्सानेमा उनी विभिन्न सहकारी लगायतका सामाजिक संघ संस्थाहरुमा रहेर समाज सेवामा सक्रिय थिए ।
उनी भोजपुरबाट निर्वाचित प्रतिनिधिसभाका पूर्वसांसद हुन् ।
प्रतिक्रिया