शुक्रबार, १६ चैत २०८०
DainikNepal.com
शुक्रबार, १६ चैत २०८०

कांग्रेस महामन्त्री डा.कोइरालाद्वारा प्रधानमन्त्री ओलीको आलोचना

दैनिक नेपाल २०७७ माघ ८ गते ११:२३

काठमाडौं, ८ माघ । नेपाली कांग्रेसका महामन्त्री डा.शशांक कोइराला प्रधानमन्त्री केपी ओलीको असंवैधानिक र अलोकतान्त्रिक कदमविरुद्धको वडाको कार्यक्रममा सहभागी भएका छन् ।

काठमाडौंको टोखा नगरपालिका– २ मा बिहीबार बिहान आयोजित कांग्रेसको विरोध सभामा डा.कोइराला सहभागी भएका हुन् । उनले विरोध सभालाई सम्बोधन गर्दै ओलीको अलोकतान्त्रिक कदमको विरोध जनाए ।

विरोध सभा हुनुभन्दा अगाडि कांग्रेसका नेता कार्यकर्ताहरूसँगै महामन्त्री डा.कोइराला विरोध र्‍यालीमा सहभागी भएका थिए ।

वडाको कार्यक्रममा समेत उल्लेख्य संख्यामा जम्मा भएका कांग्रेसका नेता कार्यकर्ताहरूले प्रधानमन्त्री ओली र कम्युनिस्ट सरकारविरुद्ध नारावाजी गरेका थिए ।

कांग्रेसका महमन्त्री डा.कोइरालाको निवास टोखा नगरपालिकामा रहेको छ । आफ्नै घर रहेको वडामा डा.कोइराला सरकार विरोधी कार्यक्रममा सहभागी भएका छन् ।

प्रतिक्रिया
सम्बन्धित