करिब ६ लाखसहित कौडा खेलिरहेको अवस्थामा १० पक्राउ

बारा, १२ मंसिर । जितपुर सिमरा उपमहानगरपालिका २ सिमरास्थित सिमरा पाराडाइज होटलमा कौडा खेलिरहेका १० जनालाई बिहीबार राति प्रहरीले पक्राउ गरेको छ ।

विशेष सूचनाको आधारमा जिल्ला प्रहरी कार्यालय बाराबाट खटिएको प्रहरीले १६ थान कौडा र नगद ५ लाख ८२ हजार ५ सय ५० रुपैयाँ सहित उनीहरुलाई पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको छ ।