काठमाडौं, ९ मंसिर । पछिल्लो २४ घण्टामा देशभर कोरोना भाइरसका १ हजार ७९० जना नयाँ संक्रमित थपिएका छन् ।
१० हजार ८४३ जनाको नमूना परीक्षण गर्दा सो संख्यामा कोरोना संक्रमण पुष्टि भएको हो । योसँगै नेपालमा हालसम्म कुल संक्रमितको संख्या २ लाख २४ हजार ७८ जना पुगेको छ ।
यस्तै पछिल्लो २४ घण्टामा २ हजार ७९१ जना संक्रमित निको भएर घर फर्किएका छन् । यो सँगै निको हुनेको संख्या हालसम्म २ लाख ४ हजार ८५८ जना पुगेको छ ।
यसैगरी पछिल्लो २४ घण्टामा २४ जना संक्रमितले ज्यान गुमाएका छन् यो सँगै नेपालमा कोरोना भाइरसको संक्रमणबाट ज्यान गुमाउनेको संख्या १ हजार ३६१ जना पुगेको छ ।
हालसम्म नेपालमा १६ लाख ८१ हजार २९९ जनाको पीसीआर प्रविधिबाट कोरोना जाँच गरिसकिएको छ । हाल देशभर १७ हजार ८५९ संक्रिय संक्रमित छन् ।
प्रतिक्रिया
सम्बन्धित
सिफारिस