काठमाडौँ, १३ कात्तिक । नेपालमा थप २ हजार ३ सय ६४ जनामा कोरोनाभाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयले पछिल्लो २४ घण्टामा थप २ हजार ३ सय ६४ जनामा संक्रमण पुष्टि भएको जनाएको छ ।
त्यस्तै, मन्त्रालयका अनुसार गत २४ घण्टामा थप ३ हजार ३८ जनाले कोरोना जितेका छन् । योसहित निको हुनेको संख्या १ लाख २४ हजार ८ सय ६२ पुगेको छ ।
हाल देशभर ३८ हजार ९ सय ५२ जना सक्रिय संक्रमित रहेका छन् । पछिल्लो २४ घण्टामा थप १७ जनाको कोरोना संक्रमितको मृत्यु भएको छ ।
यससँगै मृतकको संख्या ९ सय ४ जना पुगेको छ ।
प्रतिक्रिया
सम्बन्धित
सिफारिस