हेटौँडा, ४ कात्तिक । वागमती प्रदेशमा कोरोाभाइरसको निःशुल्क परीक्षण र उपचार कायम रहेको छ ।
सरकारले कोरोनाको परीक्षण र उपचार व्यक्ति स्वयमले खर्च गर्नुपर्ने निर्णय गरेपनि वाग्मती प्रदेशका सामाजिक विकास मन्त्री युवराज दुलालले वाग्मती प्रदेश सरकार अन्र्तगतका प्रयोगशाला र अस्पतालमा कोरोनाको परीक्षण र उपचारमा कुनै शुल्क नलाग्ने बताएका छन् ।
मन्त्री दुलालले मंगलबार साँझ सामाजिक सञ्जालमार्फत् प्रदेशमा कोरोना संक्रमणको उपचारमा कुनै शुल्क नलाग्ने बताएका हुन् ।
उनले सामाजिक सञ्जालमा लेखेका छन्, ‘बागमती प्रदेश सरकार अन्तर्गतका प्रयोगशाला र अस्पतालबाट कोभिड–१९ को परिक्षण र उपचार साविक बमोजिम निःशुल्क रहिरहेको र दशैंको बिदामा पनि परिक्षण र उपचार सुचारु रहिरहने ब्यहोरा आम प्रदेशबासीमा जानकारी गर्दछु ।’
सरकारले कोरोनाको परीक्षण र उपचार आफैँले गर्नुपर्ने निर्णयको चौतर्फी विरोध भइरहेको छ ।