विमल योगी (विनोद)
एक दिनपछि सबैको घर–घरमा दशैँ प्रवेश गर्दै छ । कोरोना महामारीका कारण यस पटकको दशैँ विगतको जस्तो हुनेछैन । पहिला जस्तो सहज रुपमा घुमफिर गर्ने अवस्था छैन । टीका र आशीर्वाद लिन जान पनि दश पटक सोँच्नुपर्ने अवस्था छ ।
तर, दशैँ मान्नै पर्ने बाध्यता पनि छ । आफ्नै परिवारभित्र दशैँ मनाउन कोरोना महामारीले रोक्नेवाला छैन । दशैँ मनाउँदै गर्दा काठमाडौं उपत्यकाभन्दा बाहिरी जिल्लाका पत्रकारहरूलाई यस पटकको दशैँले तनाब दिनेछ ।
कोरोना महामारीका कारण समस्यामा परेका ती पत्रकारहरूको भान्साको सूची परिवर्तन हुनेछ । किन भने कोरोना महामारीले काठमाडौं उपत्यकामा भन्दा पनि जिल्लाका क्रियाशील पत्रकारहरू झन् समस्यामा छन् । आर्थिक अभाव हुनेछ । आर्थिक अभाव हुनु भनेको सिधै भान्साको सूचीमा प्रभाव पर्नु हो ।
सबै पत्रकारहरू समस्यामा नहुन सक्छन् । तर, जिल्लाका कम्तिमा पनि दश प्रतिशत क्रियाशील पत्रकारहरूलाई यस पटकको दशैँ तनाबपूर्ण हुनेछ । पत्रकारितामार्फत घरखर्च चलाउँदै आएका पत्रकारहरूलाई धेरै कुराहरूमा खुम्चनुपर्ने अवस्था रहेको छ । परिवारमा मीठो खाने, राम्रो लगाउने विषयमा पत्रकारहरूलाई कोरोनाले समस्या बनाइदिएको छ ।
घरपरिवारले कोरोनाका कारण समस्या छ भन्ने कुरा बुझेका छन् । तर, बुझे पनि बालबच्चाहरूले कोरोनाको महामारी छ भन्ने कुरा बुझ्दैनन् । साना बालबालिकाहरूले जसरी हुन्छ मीडोमसिनो खानै पर्छ । राम्रो कपडा लगाउनै पर्छ । मासु खानै पर्छ ।
जिल्लामा क्रियाशील एफएम, अनलाइन र पत्रिकाका पत्रकारहरू जोखिममा छन् । धेरै पत्रकारहरू कोरोनाबाट संक्रमित समेत भएका छन् । संक्रमणबाट निको भएका ती पत्रकारहरूलाई आफ्नो घर खर्च चलाउन झन् समस्या परेको छ । समस्यामा परेका पत्रकारहरूलाई सरकारी तवरबाट कुनै राहत दिइएको छैन । सरकारले पत्रकारहरूका विषयमा राहतको स्पष्ट नीति बनाउन नसक्दा पत्रकारहरू झन् समस्यामा परेका छन् ।
सञ्चारगृहहरू कोरोनाले गर्दा समस्यामा परेका छन् । त्यसको प्रभाव पत्रकारहरूलाई परेको हो । जिल्लाका धेरै पत्रकारहरूले आधा तलबमा काम गर्नुपरेको बाध्यता छ । जिल्लाबाट केन्द्रमा रिपोर्टिङ गर्ने पत्रकारहरूको हालत पनि त्यस्तै छ । आधा तलब पनि समस्यामा पाउँदैनन् । दशैँमा जिल्लाका धेरै पत्रकारहरूको दशा नै हुनेवाला छ ।
हुन त ईञ्जाले समस्यामा परेका केही पत्रकारहरूलाई सहयोग गर्दै पनि आएको छ । बिरामी परेका, समस्यामा परेका पत्रकारहरूलाई विभिन्न माध्यममार्फत आर्थिक सहयोग गर्दै आएको छ । यस्ता संस्थाहरूका कारण क्रियाशील पत्रकारहरूलाई थोरै भए पनि राहत पक्कै पुग्नेछ । ईञ्जाले लक्षित पत्रकारहरूलाई बेलाबेला सहयोग गर्नु सकारात्मक पक्ष पनि हो ।
विकु लामाको ‘सुनको सिक्री’ गीत सार्वजनिक
सिटिजन्स बैंकका ग्राहकलाई काठमाडौंका विभिन्न संघ संस्थामा विशेष छुट
बिनोद चौधरीलाई बालेनले तिराए २ लाख जरिवाना
व्यक्तिगत सुरक्षामा खटिएका सुरक्षाकर्मी फिर्ता बोलाउन गृहमन्त्रीको निर्देशन
यी प्रदेशमा मेघगर्जनसहित वर्षा र हावाहुरीको सम्भावना
लक्ष्मी सनराइज बैंकको काठमाडौं उपत्यकाभित्र २ वटा शाखा स्थानान्तरण
पटनाको होटलमा आगलागी हुँदा ६ जनाको मृत्यु
सानिमा बैंकद्वारा १० लाखको दुर्घटना बीमा रकम हस्तान्तरण
उपनिर्वाचनमा सहभागी हुन निर्वाचन आयोगको अपिल
टी–२० विश्वकपको ‘ब्रान्ड एम्बास्डर’ बने युवराज सिंह
फस्टलुकसँगै फिल्म ‘आँखा’को प्रदर्शन मिति तय
४४ दिनमा सकियो ‘द्रौपदी’को सुटिङ
एसीसी प्रिमियर कपको हारले निरास छौँ, वेस्ट इन्डिज ‘ए’सँग बेस्ट दिन्छौँ : कप्तान पौडेल
धरौटी बुझाएर छुटेलगत्तै दीपेश पुन फेरि पक्राउ
