कोरोना संक्रमित कैलालीका एसपीलाई थप उपचारका लागि काठमाडौं लगियो

धनगढी, २५ असोज । जिल्ला प्रहरी कार्यालय कैलालीका प्रमुख प्रहरी एसपी अनुपम शम्शेर राणालाई थप उपचारका लागि काठमाडौं लगिएको छ ।

केही दिनअघि कोरोना पोजेटिभ देखिएका उनको धनगढीमै उपचार भइरहेको थियो । आइतबार बिहान उनलाई एम्बुलेन्समार्फत काठमाडौं लगिएको प्रदेश प्रहरी कार्यालयले जनाएको छ ।

एसपी राणालाई श्वासप्रश्वासमा समस्या देखिएपछि थप उपचारका लागि काठमाडौं पठाइएको हो ।