बुटवल, १९ असोज । नेपाली कांग्रेसले प्रदेश ५ को प्रदेशसभा बैठक अवरुद्ध गरेको छ ।
सत्तारुढ दल नेकपासँग भएको छलफलमा सहमति नजुटेपछि प्रमुख प्रतिपक्षी दल कांग्रेसले बैठक अवरुद्ध गरेको हो । कांग्रेसले सोमबार बिहान सरकारले ल्याएको प्रस्ताव केही दिनलाई रोकेर सबै पक्षसँग छलफलपछि मात्रै अघि बढाउन आग्रह गरेको थियो ।
तर, कांग्रेसको उक्त प्रस्ताव नेकपाले अस्वीकार गरेपछि काँग्रेसले प्रदेशसभा बैठकमा नाराबाजी गर्दै अवरुद्ध पारेको हो ।
संसदमा नेपाली काग्रेससँगै फोरमका सांसदहरुले पनि नाराबाजी गरेका छन् । यसअघि फोरमले पनि कांग्रेसलेझैं प्रस्ताव अगाडि सारेको थियो ।
कांग्रेस र फोरमको विरोधपछि २ बजेसम्मका लागि बैठक स्थगित गरिएको छ ।
प्रतिक्रिया