बुटवल, १९ असोज । रुपन्देहीका सांसद् भोजप्रसाद श्रेष्ठले प्रदेश ५ को कानून मस्यौदा समितिको सभापतिबाट राजीनामा दिएका छन् ।
पदसँग राजधानी साटेको आरोप लागेको हुँदा उक्त पदबाट राजीनामा दिएको श्रेष्ठले बताएका छन् । केही समयअघि सांसद् श्रेष्ठलाई प्रदेश सरकारले प्रदेशसभा सञ्चालन नियमावली मस्यौदा संशोधन समितिको सभापतिमा नियूक्त गरेको थियो ।
बुटवल २ (क) बाट निर्वाचित श्रेष्ठ एमाले रूपन्देहीका पूर्वजिल्ला अध्यक्ष हुन् । उनले सुरूदेखि नै बुटवललाई राजधानी बनाउनु पर्ने लबिङ गर्दै आएका छन् ।
सोमबार बिहान ७ बजे नेकपा संसदीय दलको बैठक बोलाइएको थियो । तर, उक्त बैठकमा सांसद् श्रेष्ठ सहभागी भएका छैनन् ।
उता उनीलगायत अधिकांश सांसदहरु अनुपस्थित रहेपछि बैठक नै अनिश्चित बनेका छ । करिब १ण् बजेसम्म नेकपाका ६१ जना सांसदमध्ये २० मात्रै संसदीय दलको कार्यालयमा पुगेको बताइएको छ ।
संसदीय दलको कार्यालयमा नपुग्नेमा मुख्यमन्त्री शंकर पोखरेल, प्रमुख सचेतक भूमिश्वर ढकालसहित ४१ जना सांसद अनुपस्थित छन् ।
प्रतिक्रिया