७३ प्रतिशत बढीले जिते कोरोना, आइतबार मात्रै १३ सय बढी निको

काठमाडौँ, १८ असोज । नेपालमा गत २४ घण्टामा थप १ हजार ३ सय २९ जनाले कोरोना जितेका छन् ।

आइतबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा थप १ हजार ३ सय २९ जना संक्रमणमुक्त भएको जानकारी दिएका छन् ।

योसहित निको हुनेको संख्या ६४ हजार ६९ पुगेको छ । यो कूल संक्रमितमध्ये ७३ प्रतिशत भन्दा बढी हो ।

त्यस्तै, गत २५ घण्टामा थप २ हजार २ सय ५३ जना संक्रमित थपिएसँगै संक्रमितको संख्या ८६ हजार ८ सय २३ पुगेको छ ।

हाल देशभर २२ हजार २ सय १९ जना सक्रिय संक्रमित रहेका छन् । पछिल्लो २४ घण्टामा थप ७ जनाको कोरोना संक्रमितको मृत्यु भएको छ ।

यससँगै मृतकको संख्या ५ सय ३५ जना पुगेको छ ।