काठमाडौँ, ११ असोज । सरकारले नेपाल कृषि अनुसन्धान परिषदको कार्यकारी निर्देशकमा डा.दीपक भण्डारीलाई नियुक्त गर्ने निर्णय गरेको छ ।
आइतबार बालुवाटारमा बसेको मन्त्रिपरषदको बैठकले यस्तो निर्णय गरेको हो ।
त्यस्तै, बैठकले नेपाल र इजरायलबीच हुने विभिन्न सम्झौतामा हस्ताक्षर गर्नका लागि इजरायलका लागि नेपाली राजदूत डा.अन्जन शाक्यलाई अधिकार दिने निर्णय गरेको बालुवाटार स्रोतले जानकारी दिएको छ ।
मन्त्रिपषिद पुनर्गठनका चर्चा चलेपनि बैठकमा त्यसबारे केही छलफल नभएको बताइएको छ ।
स्रोतका अनुसार मन्त्रीमण्डल हेरफेर तथा थप गर्नेबारे पछिल्लो समय नेकपा दुई अध्यक्षबीच छलफल चलिरहेको छ ।
त्यस्तै, केही मन्त्रालयलाई टुक्रिन सक्ने पनि बताइएको छ ।
प्रतिक्रिया
सम्बन्धित
सिफारिस