३ लाख चन्दा संकलन गरेको अभियोगमा पक्राउ

भक्तपुर, ८ असोज । चन्दा संकलन गरेको अभियोगमा मध्यपुर ठिमी नगरपालिका १ मनोहरा सुकुम्बासी टोल बस्ने उदयपुर हदैनी ६ घर भएका ६१ वर्षीय गोपाल नेपालीलाई बुधबार साँझ प्रहरीले पक्राउ गरेको छ ।

उक्त टोलका व्यक्ति तथा संस्थाबाट तीन लाख रुपैयाँ संकलन गरी रसिद बाँड्दै गरेको अवस्थामा विभिन्न पर्चाहरु, एनआईसी एसिया बैंकको चेकबुक १ थान र विभिन्न कागजातसहित उनलाई महानगरीय प्रहरी प्रभाग सानोठिमीबाट खटिएको प्रहरीले पक्राउ गरेको हो ।

घटनाका सम्बन्धमा प्रहरीले थप अनुसन्धान गरिरहेको छ ।