काठमाडौँ, ७ असोज । परराष्ट्रमन्त्री एवम् सरकारका प्रवक्ता प्रदीप ज्ञवालीले नेपाल–चीनबीच सीमा समस्या नरहेको बताएका छन् ।
वुधबार असोज १ गते र ६ गते बसेको मन्त्रिपरिषद बैठकको निर्णय सार्वजनिक गर्दै ज्ञवालीले नेपाल–चीन सीमा क्षेत्रमा कुनै समस्या नरहेको बताएका हुन् ।
हुम्ला लिमीमा देखिएको समस्या २०७३ सालमा गठन भएको अन्तर मन्त्रालय छानबिन समितिले नै प्रष्ट पारिसकेको र त्यतिबेला नै यो विषय किनारा लागेको बताएका हुन् ।
चीनले नेपाल चीन सीमाभन्दा एक किलोमिटर पर नै संरचना बनाएको मन्त्री ज्ञवालीले जनाएका छन् ।
अहिले जिल्ला प्रशासन कार्यालय हुम्लाबाट प्रमुख जिल्ला अधिकारीको नेतृत्वमा स्थलगत अध्ययन टोली गएको र त्यसको रिपोर्ट बुझाउन बाँकी रहेको उनले बताए ।
त्यो प्रतिवेदन आइसकेपछि मात्रै थप भन्न सकिने उनको भनाइ थियो ।
प्रतिक्रिया
सम्बन्धित
सिफारिस