बागलुङ, ४ असोज । राष्ट्रिय सहकारी बैंकले आयोजना गरेको एक दिने व्यवसाय निरन्तरता योजना तालिम आइतबार सम्पन्न भएको छ ।
कोरोना संक्रमणका कारण उत्पन्न असहज परिस्थितिमा सहकारी व्यवसायलाई कसरी थप प्रभावकारी रूपमा निरन्तरता दिन सकिन्छ भन्ने विषयमा जानकारी गराउने उद्देश्यका साथ उक्त तालिम आयोजना गरेको सहकारी बैंकले जानकारी दिएको छ ।
कोरोनाका कारण सबै क्षेत्रमा समस्या सृजना भई व्यापार व्यवसायमा कमी आएका कारण सहकारी सञ्चालनमा देखिएको समस्यालाई समाधानमा सहयोग पुर्याउनका लागि तालिम आयोजना गरिएको बैंकले बताएको छ । ‘कोरोनाका कारण सहकारी क्षेत्रमा पनि थुप्रै समस्या सृजना भएका छन्, कतै तरलता बढी भएर समस्या छ भने कतै तरलता अभावका कारण समस्या छ’, बैंकका तालिम विभाग प्रमुख रामबाबु आचार्यले भने, ‘बचत तथा ऋणमा मात्रै होइन, सहकारीमार्फत सञ्चालन गरिएका उत्पादन र सेवा क्षेत्रका व्यवसायमा समेत समस्या देखिएको छ ।’
सदस्यहरूलाई आर्थिकसँगै स्वास्थ्य र सामाजिक अवस्थामा समेत समस्या देखिएको समयमा सहकारीलाई सदस्यहरूको उन्नती प्रगतिमा कसरी लगाउन सकिन्छ भन्ने विषयमा तालिममा सहजीकरण गएिको आचार्यको भनाइ छ ।
तालिम समापनका क्रममा बैंकका सञ्चालक तथा गण्डकी प्रदेशका संयोजक रामबहादुर जिसीले सदस्य केन्द्रीत व्यवसायका रूपमा रहेको सहकारी क्षेत्रलाई सदस्यहरूको आर्थिक अवस्थामा सुधार ल्याउन र सामाजिक अवस्थामा परिवर्तन ल्याउनका लागि विगतमा भन्दा नया योजना र कार्यक्रम आवश्यक हुने र त्यसका लागि तालिम सहयोगी भएको बताए । विगतमा सहज रूपमा सञ्चालन हुँदै आएका सहकारी संस्थाहरू कोरोनाका कारण अलमलमा परेको उनको भनाइ छ ।
बैंकका प्रशिक्षकहरू नवकुमार अधिकारी र नारायण बेलवासेले संकटको समयमा सहकारीको सेवालाई थप प्रभावकारी कसरी बनाउन सकिन्छ, दस्यहरूको स्वास्थ्य र आर्थिक समस्यालाई समाधानका लागि कसरी काम गर्ने लगायतका विषयमा सहजीकरण गरेका थिए ।
संकटको समयमा सेवा निरन्तरताका विकल्पको खोजी कसरी गर्ने र कस्तो योजना बनाउदा थप प्रभावकारी रूपमा व्यवसायलाई अगाडि बढाउन सकिन्छ भन्ने विषयमा जानकारी गराइएको उनीहरूले बताए ।
सहकारी बैंकले कोरोना संक्रमणका कारण सरकारले लकडाउन शुरु गरेदेखि नै जुम मार्फत विभिन्न किसिमका तालिम तथा गोष्ठीहरू सञ्चालन गर्दै आइरहेको छ । बैंकले हालसम्म १ लाख ५० हजार जनालाई भर्चुअल तालिममा सहभागी गराइसकेको समेत बताएको छ ।
गोरखा अस्पतालमा पुरूषको मलद्वारबाट निकालियो बोत्तल
देउवाको एमालेलाई प्रश्न– मदन भण्डारीको हत्यारा किन नखोजेको ?
मदन भण्डारीलाई सम्झेर भक्कानिइन् विद्यादेवी भण्डारी
नेपालमा कम्युनिष्ट पार्टी जन्मिएपछि लाभैलाभ भएको छ : केपी ओली
उपनिर्वाचनमा मतदातालाई यातायातको व्यवस्था मिलाउन गृहमन्त्रालयलाई निर्देशन
कतारी अमिर आज नेपाल आउँदै, देशभर सार्वजनिक विदा
तराईमा अत्याधिक गर्मी हुने, तातो लहरबाट बच्न अनुरोध
कतारी अमिरको नेपाल भ्रमण, सुरक्षा व्यवस्था चुस्त
कतारी राजाको स्वागतमा तयार गेट (फोटो फिचर)
वीस लिष्ट होइन, व्यवहारिक परियोजना प्रस्तुत गरौँ : प्रधानमन्त्री
तीन दशकका अभ्यासहरुलाई सच्याउन समय लाग्छ, थोरै धैर्य गरिदिनु भए पुग्छ : गृहमन्त्री
भारतीय पक्षबाट नेपाली चियामा अवरोध, अवरोध हटाउन माग
डीपफेक भिडियोविरुद्ध रणवीर सिंहको उजुरी
औषधिमा प्रयोग हुने केमिकल बोकेको ट्रकमा आगलागी
