थप ९६६ जना कोरोनामुक्त, निको हुनेको संख्या ४६ हजार २३३ पुग्यो

काठमाडौँ, ४ असोज । नेपालमा थप ९ सय ६६ जना कोरोनाभाइरस संक्रमणमुक्त भएका छन् ।

आइतबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा थप ९ सय ६६ जनामा संक्रमण पुष्टि भएको जानकारी दिए ।

योसहित निको हुनेको संख्या ४६ हजार २ सय ३३ पुगेको छ ।

आइतबार थप १ हजार ३ सय २५ जनामा संक्रमण भएसँगै संक्रमितको संख्या ६४ हजार १ सय २२ पुगेको छ ।

हाल देशभर १७ हजार ४ सय ७८ जना सक्रिय संक्रमित रहेका छन् । पछिल्लो २४ घण्टामा थप १० जनाको कोरोना संक्रमितको मृत्यु भएको छ ।

यससँगै मृतकको संख्या ४ सय ११ जना पुगेको छ ।