२४ घण्टामा थपिए १ हजार ८१ जना कोरोना संक्रमित, थप ६ को मृत्यु

काठमाडौँ, २४ भदौ । नेपालमा थप १ हजार ८१ जनामा कोरोनाभाइरस संक्रमण पुष्टि भएको छ ।

वुधबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा थप १ हजार ८१ जनामा संक्रमण पुष्टि भएको जानकारी दिए ।

यससँगै संक्रमितको संख्या ४९ हजार २ सय १९ जना पुगेको छ ।

त्यस्तै, मन्त्रालयका अनुसार गत २४ घण्टामा थप ९ सय १८ जनाले कोरोना जितेका छन् । योसहित निको हुनेको संख्या ३३ हजार ८ सय ८२ नाघेको छ ।

पछिल्लो २४ घण्टामा थप ६ जनाको कोरोना संक्रमितको मृत्यु भएको छ ।

यससँगै मृतकको संख्या ३ सय १२ जना पुगेको छ ।