काठमाडौँ, २३ भदौ । कांग्रेस महामन्त्री डा. शशांक कोइरालामा कोरोनाभाइरस संक्रमण पुष्टि भएको छ ।
धुम्बाराहीस्थित ह्याम्स अस्पतालमा मंगलबार गरिएको पीसीआर परीक्षण रिपोर्टमा कोइरालाको कोरोना पोजिटिभ देखिएको हो ।
ईपिडिमियोलोजी तथा सरुवा रोग महाशाखा (ईडीसीडी) स्रोतले अनुसार कोइरालामा कोरोना देखिएको पुष्टि गरेको हो ।
स्वकीय सचिव भरत तिवारीका अनुसार उनलाई सोमबार अचानक ज्वरो आएको थियो ।
कोइराला घरमै आइसोलेसनमा बस्ने तिवारीले जनाए ।
सामाजिक सञ्जालमार्फत कोइरालाले आफूमा कोरोना पुष्टि भएको जानकारी दिएका छन् । उनले आफूमा केही समस्या नदेखिएको र आफू घरमै आइसोलेसनमा बस्ने जानकारी दिएका छन् । आफूसँग सम्पर्कमा आएकाहरुलाई आवश्यक सजगता अपनाउन पनि उनले अनुरोध गरेका छन् ।
पछिल्लो समय कोइराला आफ्ना दर्जनौँ नेता तथा कार्यकर्ताहरुसँग भेटघाट गर्थे । उनीसँग सम्पर्कमा आएका कतिपयको मंगलबार नै स्वाब संकलन गरिएको बताइएको छ ।
प्रतिक्रिया