काठमाडौँ उपत्यकामा थपिए ३२६ कोरोना संक्रमित काठमाडौँ, २२ भदौ । काठमाडौँ उपत्यकामा थप ३ सय २६ जनामा कोरोनाभाइरस संक्रमण पुष्टि भएको छ ।
सोमबार नियमित प्रेस ब्रिफिङमा स्वास्थ्य तथा जनसंख्या मन्त्रालयको प्रवक्ता प्रा. डा. जागेश्वर गौतमले पछिल्लो २४ घण्टामा काठमाडौँमा २ सय ९३, ललितपुरमा २० र भक्तपुरमा १३ गरी उपत्यकामा ३ सय २६ जनामा संक्रमण पुष्टि भएको जानकारी दिए ।
उपत्यकामा आइतबार ३ सय ५४ जनामा संक्रमण देखिएको थियो ।
देशभर सोमबार थप ९ सय ७९ जनामा संक्रमण पुष्टि भएको मन्त्रालयले जनाएको छ । हालसम्म कोरोनाका कारण ३ सय जनाको मृत्यु भइसकेको छ ।
प्रतिक्रिया