काठमाडाैं, १३ असार । बिभिन्न देशहरूबाट शनिबार ४ सय ६८ जना नेपाली काठमाडाैं आइपुगेका छन् ।
कतारको दोहाबाट २४१ जना, हङ्कङबाट १ बच्चासहित ८१ जना र यूएई १४६ जना विभिन्न चार्टर्ड उडानमार्फत शनिबार बिहान काठमाडाैं आइपुगेका हुन् ।
साउदीको दमामबाट शनिबार १५४ जना नेपाली फर्कंदै छन् । साउदीको रियादबाट पनि नेपालीहरू फर्कने तालिका रहेको जनाइएको छ ।
कुवेतबाट पनि त्यहाँ आममाफीमा सहभागी नेपालीहरू स्वदेश फर्कंदै छन् । कुवेत सरकार आफैंले त्यहाँ समस्यामा रहेका नेपालीलाई स्वदेश ल्याइदिइरहेको छ ।
साउदीबाट आउने जहाजले १६ जना नेपालीको शव ल्याउने वैदेशिक रोजगार बोर्डले जनाएको छ । बोर्डका कार्यकारी निर्देशक राजनप्रसाद श्रेष्ठका अनुसार बोर्ड र दूतावासको समन्वयमा शव ल्याउने काम भइरहेको छ ।
प्रतिक्रिया
सम्बन्धित
सिफारिस