एकल महिला तथा फरक क्षमता भएकाको भत्ता नरोक्न सरकारलाई निर्देशन

दैनिक नेपाल २०७७ जेठ ९ गते १९:३३

काठमाडौँ, ९ जेठ । सरकारलाई संसदीय समितिले ६० वर्षमुनिका एकल महिला र अपाङ्गता भएका व्यक्तिको सामाजिक सुरक्षा भत्ता नरोक्न निर्देशन दिएको छ ।

संघीय संसद, प्रतिनिधिसभाअन्तर्गतको महिला तथा सामाजिक समितिको शुक्रबारको बैठकले विपन्न, अशक्त र असाहय अवस्थामा रहेका ६० वर्षभन्दा मुनिका एकल महिला, फरक क्षमता भएका, बालबालिका, लोपोन्मुख जातिका नागरिकलाई दिइँदै आएको सामाजिक सुरक्षाबापतको भत्ता नरोक्न नेपाल सरकार गृह मन्त्रालयलाई निर्देशन दिएको हो ।