काठमाडौँ, ६ जेठ । टोखा नगरपालिकामा कोभिड १९ को परीक्षणको रिर्पोट नेगेटिभ आएको छ ।
नगरपालिका प्रमुख प्रकाश अधिकारीका अनुसार सोमबार गरिएको परीक्षणमा २५ जनाकै नेगेटिभ आएको हो ।
मंगलबार उनीहरुलाई कोभिड १९ नेगेटिभ आएको प्रमाण पत्र पनि दिइएको छ ।
गत शुक्रबार कोरोना संक्रमणबाट मृत्यु भएकी सिन्धुपाल्चोककी २९ वर्षीया महिला बस्ने स्थानका नजिकका र आफन्तको कोरोना परीक्षण गरिएको हो ।
टोखामा पछिल्लो समय कोरोनाभाइरस परीक्षणको दायरा फराकिलो बनाइएको छ । बाहिरबाट आउनेलाई होम क्वारेन्टाइनमा रहेपछि मात्रै घरमा पस्न दिइएको मेयर अधिकारी बताउँछन् ।
हाल मृतक बसेको ठाउँ सिल गरिएको छ ।
प्रतिक्रिया
सम्बन्धित
सिफारिस