काठमाडौँ, २ जेठ । सत्तारुढ नेकपाको सचिवालय बैठकमा प्रधानमन्त्री केपी शर्मा ओली समक्ष सचिवालय सदस्यले तीन वटा सुझावहरु प्रस्तुत गरेका छन् ।
बालुवाटारमा बसेको बैठकमा उनीहरुले विशेषगरी कारोनाभाइरसको महामारीविरुद्धको लडाइँलाई प्रभावकारी बनाउनुपर्ने बताएका छन् ।
त्यसैगरी, भारतले मिचेको सीमा रक्षा गर्न तथा नेपालको सार्वभौमिकताको रक्षा गर्न र नेपालको नक्सा जारी गर्न दृढतापूर्वक उभिन पनि प्रधानमन्त्री ओलीलाई थप ऊर्जा दिएका छन् ।
त्यस्तै, कोरोनाले तहसनहस पारेको अर्थतन्त्रलाई खासगरी कृषिलाई दह्रो बनाउने नीति ल्याउन तथा कदम चाल्न पनि प्रधानमन्त्रीलाई सचिवालय सदस्यहरुले सुझाव दिएको बैठकमा सहभागी एक नेताले जानकारी दिएका छन् ।
प्रधानमन्त्री ओलीले सदस्यहरुबाट सुझाव लिनका लागि सचिवालय बैठक बोलाएका थिए । केही सदस्यहरुले भने सरकारको नीति तथा कार्यक्रमबारे अन्तिम अवस्थामा छलफल गरिएको भन्दै असन्तुष्टि जनाएका छन् ।
प्रतिक्रिया