चितवन, २२ माघ । राप्तीसगँ झिनो अन्तरले पराजित हुँदै माडी टाइगर्स प्रथम सिएमसी चितवन प्रिमियर लिग (सिपिएल) बाट बाहिरिएको छ । आज सम्पन्न पहिलो खेलमा राप्तीसंग १ रनले पराजित हुँदै माडी प्रतियोगिताबाट बाहिरिएको हो ।
१६ ओभरमा घटाइएको खेलमा राप्तीले दिएको १०२ रनको लक्ष्य लिएर जवाफी ब्याटिङ गरेको माडी १५ ओभर ५ बलमा १ सय रनमै अलआउट भयो ।
खेलमा राम्रो सुरुवात गरेको माडीको मध्यक्रमको ब्याट्सम्यान चल्न सकेनन् । पहिलो विकेटका लागि ओपनरद्वय खडक बोहरा र सुजन चापागाइले ४८ रनको साझेदारी गरे ।
बोहराले २२ बलमा ४ चौका र एक छक्का प्रहार गर्दै ३० रन बनाए । यस्तै अर्का ओपनर चापागाई २० बलमा ३ चौका सहित २१ रन बनाएर आउट भए । बोहरा र चापागाई आउट भएपछी धर्मराएको माडीको इनिङ कसैले पनि उकास्न सकेनन् ।
माडीको इनिङ ध्वस्त बनाउन राप्तीका विशाल यादवले ३ विकेट लिए । कसिलो बलिङ गरेका यादवले २ ओभरमा ४ रन मात्र दिए । यस्तै कप्तान आकाश थापा र भिम सार्कीले समान २–२ विकेट लिए ।
त्यसअघि पहिलो ब्याटिङ गरेको राप्तीले निर्धारित १६ ओभरमा ९ विकेट गुमाउदै १०१ रन बनाएको थियो । राप्तीका लागि हरि बहादुर चौहानले २७ रन बनाए । यस्तै कप्तान आकाश थापाले १३ तथा राम नरेश गिरीले १२ रन बनाए ।
माडीका कृष्ण कार्कीले ३ विकेट लिए । उनले ४ ओभरमा २६ रन खर्चिए । माडीको हारको फाइदा भरतपुर गुर्खाजलाई भएको छ । यो नतिजाले भरतपुर इलिमिनेटरमा पुगेको छ । इलिमिनेटरमा पुग्ने अर्को टोलीको टुङ्गो आजै हुने दोस्रो खेलबाट लाग्नेछ ।
आजको दोस्रो खेलमा अहिले सौराहा स्याण्ड्स र इच्छाकामना भिडिरहेका छन् । उक्त खेलको बिजेताले इलिमिनेटरमा भरतपुरको सामना गर्नेछ भने इलिमिनेटरको बिजेताले फाइनलमा राप्तीको सामना गर्नेछ ।
प्रतियोगिताको विजेताले रु दुई लाखसहित ट्रफी प्राप्त गर्नेछ भने उपविजेताले रु एक लाखमा चित्त बुझाउनेछ । यस्तै बिभिन्न बिधामा उत्कृष्ट हुने खेलाडीहरुले पनि पुरस्कार प्राप्त गर्नेछन् ।
प्रतियोगिताको उत्कृष्ट खेलाडी, उत्कृष्ट बलर, उत्कृष्ट ब्याट्सम्यान र उत्कृष्ट अलराउण्डरले पनि पुरस्कार प्राप्त गर्नेछन् । यस्तै हरेक दिनको म्यान अफदि म्याचले ट्रफी प्राप्त गर्नेछ ।
प्रतियोगिताका उत्कृष्ट तीन खेलाडीलाई नेपालकै सबैभन्दा ठूलो व्यवसायिक लिग एभरेष्ट प्रिमियर लिग (इपीएल)को टिम चितवन टाइगर्सबाट खेल्न पाउनेछ ।
प्रतियोगिताको टाइटल स्पोन्सरमा चितवन मेडिकल कलेज रहेको छ भने स्पोन्सरको रुपमा टेस्ला एयर कण्डिसन, एक्सपर्ट एजुकेशन एण्ड भिसा सर्भिसेस प्रालि चितवन रहेको छ । त्यस्तै प्रतियोगिताको को–स्पोन्सरको रुपमा सेन्ट्रल कलेज अफ भोकेशनल ट्रेनिङ सेन्टर रहेको छ ।
‘भेलु बाजे’को निधन 
ब्याण्डविथको रकम भुक्तानी नगर्दा इन्टरनेट सेवामा समस्या
सिधा कुरालाई अडिओ दिने तिमिल्सिनालाई पनि सर्वोच्चले बयानका लागि बोलायो
सुदूरपश्चिम विश्वविद्यालयको उपकुलपतिमा पन्त नियुक्त
मोरङमा वीभत्स अवस्थामा एक महिलाको शव फेला
यस्तो छ आजको विदेशी मुद्रा विनिमय दर, कुन देशको कति ?
कस्तो रहन्छ आजको मौसम ?
सुस्ताको विरोध गर्दा मलाई जेल कोच्नेहरूले राष्ट्रियताको कुरा गर्दैछन् : केपी शर्मा ओली
मुलुकको सम्वृद्विको नेतृत्व एमालेले गर्छ : मुख्यमन्त्री कँडेल
भारतका प्रधानन्यायाधीश चन्द्रचुड नेपालमा
६ जना सचिवको सरुवा
सय रुपैयाँको नोटमा चुच्चे नक्सा राख्ने सरकारको निर्णय
एमालेको पर्सा अध्यक्षमा शर्मा
कक्षा १२ को परीक्षा दिएर फर्किरहेकी छात्रामाथि गोली प्रहार
