काठमाडौं, १९ माघ । जिल्ला प्रहरी कार्यालय सुनसरीले संघीय प्रहरी ईकाई कार्यालय धरानका प्रमुख प्रहरी बरिष्ठ उपरिक्षक (एसएसपी) सौरभ राणालाई आइतबार पक्राउ गरेको छ ।
जिल्ला अदालत सुनसरीले पक्राउ पूर्जी जारी गरेपछि उनलाई कार्यालयबाटै नियन्त्रणमा लिइएको हो । एक महिलाले यौन शोषण गरेको र मार्नेसम्मको धम्की दिएको भन्दै उजुरी गरेपछि गृह मन्त्रालयले केही दिन अघि उनलाई निलम्बन गरेको थियो ।
यौन शोषणको विषयमा अनुसन्धानका लागि पक्राउ गरिएको प्रहरी स्रोतले जनाएको छ । अनुसन्धानमा प्रभाव पार्न सक्ने भन्दै गृह मन्त्रालयले उनलाई निलम्बन गरेको थियो ।
प्रतिक्रिया
सम्बन्धित
सिफारिस