आर्सनल एफए कपको पाँचौँ चरणमा प्रवेश

दैनिक नेपाल २०७६ माघ १४ गते ६:५३

लण्डन, १४ माघ । आर्सनल एफए कपको पाँचौँ चरणमा प्रवेश गरेको छ । सोमबार राति भएको खेलमा आर्सनलले एएफसी बर्नमाउथलाई दुई–शून्य गाेल अन्तरले हराउँदै प्रिक्वार्टरफाइनलमा स्थान बनाउन सफल भएको हो ।

आर्सनलको जितमा बुकायो साका र इडी एनकेतिहाले एक–एक गोल गरे । पाँचौँ मिनेटमा साकाले मार्टिनेलीको पासमा गोल गर्दै आर्सनललाई अग्रता दिलाएका थिए । २६औँ मिनेटमा एनकेतिहाले गोल गरेपछि आर्सनलले पहिलो हाफअघि दुई गोलको अग्रता लियो ।

युवा खेलाडीले भरिएको आर्सनलले अग्रता खेलको निर्धारित समयसम्म जोगाएको थियो । इन्ज्युरी समयको चौथो मिनेटमा बर्नमाउथका सब्सिच्युट खेलाडी साम सुरिजले गोल गर्दै आर्सनलको अग्रता दुई–एकमा छोट्याए ।

बाँकी समयमा थप गोल हुन नसक्दा आर्सनलले अन्तिम १६ को यात्रा पक्का गरेको हो । आर्सलनलले प्रिक्वार्टर फाइनलमा तेस्रो डिभिजनको पोटर्समाउथसँग प्रतिस्पर्धा गर्नेछ ।