बनेपा, २८ पुस । दुर्घटना न्यूनीकरण गर्न चालकको मुख्य भूमिका रहेको भन्दै जिल्ला ट्राफिक प्रहरी कार्यालय र वाग्मती टिपर व्यवसायी सङ्घ काभ्रेपलाञ्चोकले आज जिल्लामा सञ्चालित टिपर चालकलाई सुरक्षित र धैर्यताका साथ गाडी चलाउन निर्देशन दिँदै शपथ गराएको छ ।
‘भ्रमण वर्ष २०२० को प्रचारप्रसार तथा दुर्घटना न्यूनीकरणका लागि चालकलाई शपथग्रहण’ कार्यक्रममा जिल्ला ट्राफिक प्रहरी कार्यालयका प्रमुख विशाल तामाङले सबै टिपर चालकलाई शपथ गराउनुभएको हो ।
सो क्रममा चालकलाई मादक पदार्थ सेवन गरेर कहिल्यै गाडी नचलाउने, गाडीमा सङ्गीतको बुफर तथा झलर र सिसामा स्टिकर नराख्ने, बस्ती क्षेत्रमा प्रेसर हर्न नबजाउने र जथाभावी ओभरटेक तथा पार्किङ नगर्ने, पानी चुहाएर सामान ढुवानी नगर्ने, तीव्र गतिमा गाडी नचलाउने र गाडी चलाउँदा मोबाइल फोन प्रयोग नगर्ने तथा नेपाल भ्रमण वर्ष २०२० को प्रचारप्रसारका लागि गाडीमा स्टिकर टाँस्नेछु लगायतका १० बुँदे शपथ खुवाइएको थियो ।
सो क्रममा जिल्ला समन्वय समितिका प्रमुख उद्धव केसीले टिपर चालकलाई हतारमा गाडी नचलाउन आग्रह गर्नुभयो । जतिसुकै हतारमा भए पनि आफ्नो काममा दृढ भएर काम गरेमा कसैको भनाइ र प्रहरीको कारवाहीमा नपर्ने उल्लेख गर्दै त्यसतर्फ ध्यान दिन उहाँले सबै चालकलाई अनुरोध गर्नुभयो ।
प्रमुख जिल्ला अधिकारी श्रवणकुमार तिमिल्सिनाले हरेक वर्ष दुर्घटनाको दर वृद्धि हुँदै गएकाले त्यसको न्यूनीकरण प्रहरी वा चालक एक्लैले गर्न नसक्ने भएकाले त्यसमा सबै जनाको उत्तिकै भूमिका हुनु जरुरी रहेको बताउनुभयो ।
जिल्ला प्रहरी कार्यालयका प्रमुख प्रहरी उपरीक्षक रविकुमार पौडेलले चालकले गरेको गल्तीका कारण प्रहरीले भोग्नुपर्ने अवस्था आउने गरेका कारण प्रहरी र चालक दुवैले सचेत भएर आ–आफ्नो जिम्मेवारी बहन गर्न आवश्यक रहेको बताउनुभयो ।
सो क्रममा टिपरमा भ्रमण वर्ष २०२० को लोगोसहितको स्टिकर टाँसेर भ्रमण वर्ष प्रचारप्रसार गर्ने कामलाई प्रवद्र्धन गरिएको छ ।
प्रमुख जिल्ला अधिकारी तिमिल्सना, जिल्ला प्रहरी कार्यालय प्रमुख पौडेल र जिल्ला ट्राफिक प्रहरी कार्यालय बनेपाका प्रमुख तामाङलगायतले टिपरमा भ्रमण वर्षको लोगोसहितको स्टिकर टाँस्नुभएको थियो । काभ्रेपलाञ्चोकबाट मात्रै दैनिक दुई हजार २०० भन्दा बढी टिपर उपत्यका भित्रने गरेका जिल्ला ट्राफिक प्रहरी कार्यालयले जनाएको छ । –रासस
महानगरले राप्रपालाई तिरायो जरिवाना
दूधमा पनि बर्डफ्लुको भाइरस फेला
केकीको ‘बोक्सीको घर’ले पायो युनिभर्सल सर्टिफिकेट
क्यानडाको सबैभन्दा ठूलो सुन डकैतीमा २ भारतीयको संलग्नताको खुलासा
एसीसी प्रिमियर कप : तेस्रो स्थानको लागि आज नेपाल र हङकङ खेल्दै
‘पुजार सार्की’को पहिलो गीत ‘दर्शन गरेँ’ सार्वजनिक
घट्यो डलर, युरो र पाउण्डको भाउ
नेपाल हङकङसँग पराजित, इमर्जिङ कपमा छनोट हुन असफल
विश्व बैंकलाई माथिल्लो अरुणमा लगानी गर्न सहमत बनायौँ : अर्थमन्त्री
जनहितमा गृहमन्त्रीले यत्ति त गर्लान् कि !
गहुँ खेतको आगोको झिल्का सल्केर घरमा आगलागी
नेपालले हङकङलाई दियो १४० रनको लक्ष्य
अमेरिका भ्रमण सकेर स्वदेश फर्किए अर्थमन्त्री पुन
राजनीतिक परिवर्तनको औचित्य पुष्टि हुनेगरी काम गर्नुपर्छ : उपप्रधानमन्त्री श्रेष्ठ
