काठमाडौँ, १९ पुस । गाँजा तस्करीमा संलग्नलाई मकवानपुर प्रहरीले पक्राउ गरेको छ ।
हेटौँडा उपमहानगरपालिका १५ चुरियामाईको जंगलमा भाग्दै गर्दा उनीहरुलाई हवाई फायर गरेर पक्राउ गरिएको प्रहरीले जनाएको छ । उनीहरु डिएल ३ सिएक्यू ४१७२ नम्वरको भारतीय कारमा सवार भई खोज्दै थिए ।
प्रहरीले कार चालक भारत मोतिहारीका ३७ वर्षीय दिलिपकुमार सिंह, उज्वलकुमार ठाकुर र रौतहट यमुनामाई गाँउपालिका ४ का २४ वर्षीय विकास सिंहलाई पक्राउ गरेको छ । उनीहरुको साथबाट अन्दाजी ३२ किलो गाँजा बरामद गरिएको छ ।
यस्तै हेटौंडा १५ बाटै लागूऔषध गाँजा तस्करमा संलग्न अर्का एक जनालाई प्रहरीले पक्राउ गरेको छ । पक्राउ पर्नेमा मकवानपुर राक्सिराङ गाउँपालिका वडा नं. ५ का ३५ बर्षीय राजकुमार मोक्तान छन् । उनको साथबाट २१ किलो गाँजा र बा ५ ख ७२६८ नम्वरको ट्रक नियन्त्रणमा लिइएको छ ।
गस्तीमा गएको प्रहरी टोलीले हेटौंडा १५ रातोमाटे जंगलबाट उनलाई नियन्त्रणमा लिएको एसपी राठौरले मकवानपुर प्रहरीले जनाएको छ । ट्रक चालक भने फरार छन् । उनको खोजी भइरहेको प्रहरीले जनाएको छ ।
प्रतिक्रिया