शुक्रबार, २९ कार्तिक २०७६
DainikNepal.com
शुक्रबार, २९ कार्तिक २०७६

शान्ति, सुशासन र स्थिरताको पक्षमा मतदान गराैँ : नेता नेपाल

दैनिक नेपाल २०७६ कार्तिक २९ गते २२:०१

काठमाडौँ, २९ कात्तिक । नेपाल कम्युनिष्ट पार्टी (नेकपा)का नेता एवं पूर्वप्रधानमन्त्री माधवकुमार नेपालले शान्ति, सुशासन र स्थिरताको पक्षमा मतदान गर्न मतदातालाई अपिल गर्नुभएको छ ।

आगामी मङ्सिर १४ गते हुने उपनिर्वाचनको तयारीका लागि पार्टीद्वारा यहाँका बलवा, मटिहानी र पिपरा गाउँपालिकामा आयोजित कार्यक्रममा उहाँले जनताको मुख्य चासो र चाहना भ्रष्टाचारमुक्त जनमुखी प्रशासन रहेको औँल्याउनुभयो ।

“ठूला कुरा नगरौँ, अहिले जनताले खोजेको र चाहेको मुख्य कुरा नै स्वच्छ प्रशासन हो”, नेता नेपालले भन्नुभयो, “मतदाताले यि माग सम्बोधन गर्नसक्ने दललाई मतदान गर्नुपर्छ ।”

मुलुकमा स्थिरताबिना विकास र समृद्धि सम्भव नभएको स्पष्ट पार्दै उहाँले स्थिर सरकार दिनसक्ने दल जनताले ठम्याउनु पर्ने उल्लेख गर्र्नुभयो । पिपराको अध्यक्ष, बलेवा–२ र ८ तथा मटिहानी–६ को वडाध्यक्ष पदका लागि उपनिर्वाचन हुँदैछ ।

पूर्वप्रधानमन्त्री नेपालले राष्ट्रिय अखण्डता र सीमा सुरक्षाका कुरामा जनताको चासो बढेको उल्लेख गर्नुभयो । सरकारले जनचासोका विषयबारे स्पष्ट अडानसाथ मित्रराष्ट्रसँग कुटनीतिक पहल गरी समस्याको निदान खोज्नु पर्ने बताउनुभयो । –रासस

प्रतिक्रिया
सम्बन्धित