बिहीबार, २८ कार्तिक २०७६
DainikNepal.com
बिहीबार, २८ कार्तिक २०७६

मुग्लिन–नारायणगढ सडकखण्डमा एक जनाको मृत्यु

दैनिक नेपाल २०७६ कार्तिक २८ गते ८:२३

चितवन, २८ कात्तिक । मुग्लिन–नारायणगढ सडकखण्डमा पर्ने जलवीरेमा बोलेरो जिप र मोटरसाइकल ठोक्किँदा एकजनाको मृत्यु भएको छ ।

बिहीबार बिहान भएको दुर्घटनामा मृत्यु हुनेमा भरतपुर महानगपालिका–६ का ३० वर्षीय रोशन सापकोटा रहेको जिल्ला प्रहरी कार्यालय चितवनले जनाएको छ ।

नारायणगढबाट मुग्लिनका लागि छुटेको बा १० च ४४१३ नम्बरको बोलेरोले विपरीत दिशाबाट आएको बा ६६ प २९६५ नम्बरको मोटरसाइकललाई ठक्कर दिएको जिल्ला प्रहरी कार्यालय चितवनले जनाएको छ ।

दुर्घटनामा गम्भीर घाइते भएका सापकोटाको उपचारका क्रममा पुरानो मेडिकल कलेजमा मृत्यु भएको हो । घटना बिहान साढे दुई बजे इच्छाकामना गाउँपालिका–६ जलवीरेमा भएको हो ।

प्रतिक्रिया
सम्बन्धित