बुधबार, २७ कार्तिक २०७६
DainikNepal.com
बुधबार, २७ कार्तिक २०७६

बझाङमा भीरबाट लडेर महिलाकाे मृत्यु

दैनिक नेपाल २०७६ कार्तिक २५ गते ७:०६

फाइल तस्वीर

बझाङ, २५ कात्तिक । बझाङ जिल्लामा घाँस काट्ने क्रममा भीरबाट लडेर एक महिलाको मृत्यु भएको छ । बुंगल नगरपालिका–५ सट्टायकी ३४ वर्षीया अञ्जना धामीको लडेर मृत्यु भएको उनका आफन्तहरुले बताएका छन् ।

स्थानीय बीरेखोला किलाहाल्लेको भीरबाट लडेर मृत्यु भएको उनका छिमेकी समेत रहेका सरस्वती माविका शिक्षक जनक कुँवरले जानकारी दिए ।

शनिबार दिउँसो एक्लै घाँस काट्न हिँडेकी अञ्जना साँझसम्म घर नफर्केपछि आफन्त र छिमेकीले खोजी गरेका थिए। शनिबार राति अबेरसम्म उनलाई कतै नभेटेपछि आइतबार बिहान पुनः खोजी गर्दा उनको शव भेटिएको मृतकका श्रीमान् अक्कल धामीले बताए ।

अञ्जनाको शव भीरको खोंचमा फेला परेको धामीले बताए। उनका नाबालक दुई छोरा रहेका छन् ।

विगत पाँच वर्षयता घाँस काट्ने क्रममा बिरेखोला किलाहाल्ले भीरबाट लडेर १४ जना स्थानीयको ज्यान गइसकेको बुंगल-५ का वडा अध्यक्ष प्रयागराज धामीले बताए ।

प्रतिक्रिया
सम्बन्धित