काठमाडौँ, १७ कात्तिक । प्रधानमन्त्री केपी शर्मा ओलीले आइतबार साँझ मन्त्रिपरिषद्को आकस्मिक बैठक बोलाएका छन् ।
आजै बिहान पहिलो मन्त्रिपरिषद् बैठक प्रधानमन्त्री निवास बालुवाटारमा झन्डै डेढ घन्टा चलेको थियो । प्रधानमन्त्रीका प्रेस सल्लाहकार कुन्दन अर्यालका अनुसार अहिले ५ बजेका लागि बोलाइएको बैठक बिहानकै बैठकको निरन्तरता भएको जनाएका छन् ।
कतिपय एजेन्डाहरु आजै निर्णय नगरी नहुने भएकाले पुनः बैठक बोलाइएको स्रोतले जनाएको छ ।
बिहान बसेको मन्त्रिपरिषद बैठकले डाक्टर भगवान कोइरालालाई नेपाल मेडिकल काउन्सिलको अध्यक्ष तथा डा. धर्मकान्त बाँस्कोटालाई त्रिविको उपकुलपतिमा नियुक्त गर्ने निर्णय गरेको थियो ।
प्रतिक्रिया