बिहीबार, ७ कार्तिक २०७६
DainikNepal.com
बिहीबार, ७ कार्तिक २०७६

पाकिस्तानमा हिन्द युवतीको हत्यापछि बबण्डर

दैनिक नेपाल २०७६ असोज २ गते ७:४९

कराँची, २ असाेज । पाकिस्तानको सिन्धमा हिन्दु छात्रा नम्रता चंदानीको मृत्य प्रकरणलाई लिएर विरोध चर्काइएको छ ।

उनको हत्या भएको दाबी गर्दै केही दिन यता कराचीका सडकमा हिन्दु प्रदर्शनकारीहरुले विरोध प्रदर्शन गरिरहेका छन् । हत्यारालाई तत्काल पक्राउ गरी कानूनी दायरामा ल्याउन प्रदर्शनकारीहरुले माग राखेका छन् ।

चिकित्साशास्त्र अध्ययन गरिरहेकी नम्रता गत मंगलबार आफू बस्ने छात्रावासमा मृत अवस्थमा भेटिएकी थिइन् । घाँटीमा डो रीले बाँधिएको अवस्थामा नम्रताको श व भेटिएपछि उनका भाइले हत्याको आरोप लगाएका छन् ।

पाकिस्तानमा धर्म परिवर्तन स्वीकार गर्नेलाई धर्म परिवर्तन गराउने र नमान्नेको हत्या समेत गर्ने कट्टरपन्थीहरुले नम्रता चंदानीको हत्या गरेको परिवारका सदस्यहरुको आरोप छ ।

मेडिकल छात्रा नम्रता चंदानीको मृत्यु पनि जवर्जस्ती धर्म परिवर्तनको घटनासँग जोडेर हेरिएको छ । नम्रताको परिवारलाई लगातार मुस्लिम धर्म अगाल्न दबाब दिइदै आएको भारतीय सञ्चार माध्यमले जनाएका छन् ।

पाकिस्तानको बीबी आसिफा डेन्टल कलेजको अन्तिम वर्षकी छात्रा नम्रता चंदानी आफ्नै छात्रावासकै कोठामा मृत अवस्थामा फेला परेकी थिइन। एमबीबीएस अध्ययनरत अल्पसंख्यक हिन्दु समुदायकी नम्रताका दाइ डाक्टर विशाल सुन्दरले नम्रताको हत्या भएको दावी गरेका हुन् ।

पछिल्लो समय अल्पसंख्यक हिन्दु, सिख समुदायप्रति पाकिस्तानमा एकपछि अर्को हिंसात्मक घटना सार्वजनिक भइरहेका बेला मेडिकल छात्रा नम्रता चंदानीको मृत्यु भएपछि यो घटनालाई पनि जवर्जस्ती धर्म परिवर्तनको घटनासँग जोडेर हेरिएको छ।

प्रहरीले घटनाको अनुसन्धान भइरहेको उल्लेख गर्दै हत्या या आत्महत्या के हो भन्ने विषयमा अनुसन्धान जारी रहेको जनाएको छ । नम्रताको परिवार भने कराचीमा रहँदै आएको छ।

काश्मिरमा धारा ३७० हटाइएपछि पाकिस्तानमा अल्पसंख्यक हिन्दु र सिख समुदायमाथि हिंसा बढेको पाइएको छ । यसैको परिणाम नम्रताको हत्या भएको बताइएको छ ।

प्रतिक्रिया
सम्बन्धित