सोमबार, २७ असोज २०७६
DainikNepal.com
सोमबार, २७ असोज २०७६

गृहमन्त्री थापाका भाइ १ लाख धराैटीमा छुटे, अन्य जेल चलान

दैनिक नेपाल २०७६ असोज १ गते १९:३८

काठमाडौँ, १ असोज । काठमाडौँ जिल्ला अदालतले गृहमन्त्री रामबहादुर थापाका भाइ नरेशकुमार थापालाई १ लाख धरौटीमा हिरासतमुक्त गर्ने आदेश दिएको छ । व्यवसायीलाई धम्काउँदै रकम असुलेको आरोपमा पक्राउ परेको ७ जनामध्ये अन्यलाई भने अदालतले पुर्पक्षका लागि जेल चलान गर्ने आदेश जारी गरेको छ ।

जिल्ला अदालत काठमाडौंका न्यायाधीश मेदिनीप्रसाद पौडेलको इजलासले थापालाई बुधबार धरौटीमा छाड्ने आदेश गरेको हो । उनीसँगै पक्राउ परेका अन्य ५ जना भने पुर्पक्षका लागि जेल चलान भएका हुन् ।

गृहमन्त्री रामबहादुर थापाका बादलका भाइ नरेश कुमार थापासहित काठमाडौं स्युचाटारका पवन खड्का, काठमाडौं इचंगुनारायणका सुरेन नगरकोटी, काठमाडौं भेडासिंहका शैलेश प्रजापति, काठमाडौं नागार्जुनका विनोद लामा, प्रहरी जवान वीरबल भट्टराई, मनबहादुर पुन मगर पक्राउ परेका थिए ।

प्रहरी जवान भट्टराईले जेलमा रहेका गुन्डा नाइके बस्नेतलाई पटकपटक फोन गर्नका लागि आफ्नो मोबाइल दिएको आरोप लागेको थियो ।

त्यस्तै पक्राउ परेका गृहमन्त्री थापाका भाइ नरेशले आफूले समीरमानलाई जेलमा भेटेको र व्यवसायीलाई धम्क्याएर रकम असुल्न काममा संलग्न भएको आरोप लागेको थियो ।

नेपाल निर्माण व्यवसायी महासंघका तत्कालीन अध्यक्ष शरदकुमार गौचनको हत्या आरोपमा गुन्डा नाइके बस्नेत पक्राउ परेपछि उनी केन्द्रीय कारागारमा कैद भुक्तान गरिरहेका छन् ।

जेलमा बसकै बेला उनले आफ्ना केटाहरु प्रयोग गरेर धम्क्याउँदै रकम असुल्ने धन्दा लागेको प्रहरीले जनाएको छ । यसरी रकम उठाउने गिरोहसँग गृहमन्त्री थापाका भाइको कनेक्सन देखिएपछि उनी पनि पक्राउ परेका थिए ।

प्रतिक्रिया
सम्बन्धित