शुक्रबार, २९ कार्तिक २०७६
DainikNepal.com
शुक्रबार, २९ कार्तिक २०७६

चाइनिज ताइपेविरुद्ध नेपालको सानदार जीत, कुवेतसँगको हारमा मल्हम

दैनिक नेपाल २०७६ भदौ २४ गते २०:४५

काठमाडौं, २४ भदौ । विश्वकप फुटबलको छनौट चरणको दोस्रो खेलमा नेपालले चाइनिज ताइपेविरुद्ध गतिलो जीत निकालेको छ । जसले कुवेतसँग व्यहोरेको निमिठो हारमा मल्हम लागेको छ ।

मंगलबार ताइपेको घरेलु मैदानमा नेपालले २–० को जीत निकालेको हो । जसमा अञ्जन विष्टको योगदान रह्यो । ताइपे रंगशालामा भएको खेलमा विष्ट प्लेइङ ११ मा परेका थिए ।

विक्रम लामालाई बेञ्चमा राखेर उनलाई खेलाइएको थियो भने सुमन अर्याल र अजित भण्डारीको ठाउँमा रञ्जित धिमाल र दिनेश राजवंशीलाई खेलाइएको थियो । प्रशिक्षक योहान कालिनले खेलाडी फेरे पनि खेल फरम्याट फेरेका थिएनन् । उनले १–४–५–१ कै फरम्याट शैलीमा खेलाएका थिए ।

नेपालले खेलको तीन मिनेटमा नै अग्रता लिनका लागि सुजल श्रेष्ठले डिबक्स भन्दा केही बाहिरबाट हानेको फ्रि किकमा विष्टको हेडिङ गोलले काम गरेको थियो ।

खेलको उत्तरार्धमा नेपाल फेरि चम्किनका लागि ६४ मिनेटमा विष्टको अर्को योगदान रह्यो । यसपटक भने रवि पासवानले प्रहार गरेको बलमा सुजलले हेडमार्फत पास मिलाएको बललाई विष्टले जाली चुमाइदिए ।

नेपालले छनोट चरणको खेलमा तीन अंक बनाएको छ ।

प्रतिक्रिया
सम्बन्धित