शुक्रबार, ३ असोज २०७६
DainikNepal.com
शुक्रबार, ३ असोज २०७६

नासा र आन्माकाे संयुक्त सम्मेलनमा नेपाल फाेरममा उच्च बाैद्धिक बहस

दैनिक नेपाल २०७६ भदौ २१ गते ८:२०

अमेरिका । नासा र आन्माकाे संयुक्त आयाेजनामा गत अगस्त ३०,३१ र सेप्टेम्बर १ तारिक गरि तीन दिनसम्म अमेरिकाकाे नर्थक्याराेलिनास्थित विन्स्टन सेलममा एक बृहत सम्मेलन सम्पन्न भएकाे छ ।

हरेक वर्ष गरिने यो संयुक्त सम्मेलनमा बिभिन्न विषयका फाेरमहरू संचालन गरिन्छ जसमध्ये नेपाल फ़ोरम एक महत्त्वपूर्ण सत्र मानिन्छ ।

यस कार्यक्रमका संयाेजक पर्यटन दूत तथा नासाका प्रथम निर्बाचित अध्यक्ष राजा घलेकाे सहभागिता रहेकाे थियाे ।

प्रमुख अतिथिका रूपमा नेपालका पूर्व स्वास्थ्य मन्त्री खगराज अधिकारी थिए । उक्त सत्रमा डा तिलक श्रेष्ठले नेपाल र नेपालीकाे समृद्धि प्र मं ओली शीर्षकमा आफ्नाे गाेष्ठीपत्र प्रस्तुत गर्दै वर्तमान नेपालमा देखिएका राष्ट्रियता, प्रजातन्त्र, विकास र प्राचीन परम्पराका बारेमा आफ्ना धारणा प्रस्तुत गरे ।

त्यस क्रममा नेपालमा जुलाई २०१५ मा लिएकाे जनमतलाई प्रकाशन र कदर गर्नु पर्नेमा नगर्नु अपराधपूर्ण हुन गई वर्तमान सम्बिधन अबैध हुन पुगेकाे हाे भनी जिकिर गरे ।

धर्मनिरपेक्षता, संघीयता र गणतन्त्र नेपालका राष्ट्रिय मुद्दा हुन् । यी तिनवटै कुरा जनताकाे समर्थन बिना नै देशमा लाधिएका हुन् ।

यिनका बारेमा राष्ट्रियसंवाद र जनमत संग्रह हुनुपर्छ भनी डा श्रेष्ठले अडान लिए । यस्तै नेपालमा सत्र हजार नेपाली मारिएकामा दुख प्रकट गर्दै तीमाथि न्याय हुन अत्यावश्यक छ भनि जिकिर गरे ।

प्रतिक्रिया
सम्बन्धित