बिहीबार, २ असोज २०७६
DainikNepal.com
बिहीबार, २ असोज २०७६

झापा र ईलाममा प्रभु बैँकको विस्तारित काउण्टर सञ्चालन

दैनिक नेपाल २०७६ भदौ ४ गते १७:२१


काठमाडौँ, ४ भदौ । प्रभु बैंकले झापा जिल्लाको दमक नगरपालिकास्थित मालपोत कार्यालय र ईलाम मालपोत कार्यालयमा विस्तारित (एक्स्टेन्सन) काउण्टरहरु सञ्चालनमा ल्याएको छ ।

दमकस्थित मालपोत कार्यालयको परिसरमा स्थापित एक्स्टेन्सन काउण्टरको यही भदौ ०१ गते झापा मालपोत कार्यालयका कार्यालय प्रमुख चण्डिप्रसाद कोईलाले एक समारोहकाबीच उद्घाट्न गर्नुभएको हो ।

त्यसैगरी, ईलामस्थित मालपोत कार्यालय परिसरमा भदौ ०४ गतेका दिन ईलाम मालपोत कार्यालय प्रमुख केशव कुमार ढकाल र कोष तथा लेखा नियन्त्रण कार्यालयका निमित्त कार्यालय प्रमुख डिकेन्द्र बहादुर थापाले संयुक्त रुपमा प्रभु बैँकको एक्स्टेन्सन काउण्टरको उद्घाट्न गर्नुभयो ।

झापा तथा ईलाम जिल्लास्थित मालपोत कार्यालयमा आउने सेवाग्राहीहरुले अब विना झण्झट प्रभु बैँकको एक्स्टेन्सन काउण्टरमा रहेको सम्बन्धित मालपोत कार्यालयको खातामा राजश्व रकम जम्मा गरी सरल र सहज रुपमा मालपोत कार्यालयको काम गर्न सक्नेछन् ।

नेपाल राष्ट्र बैँक तथा अन्य सम्बन्धित निकायसँग समन्वय गरी विभिन्न सरकारी निकायहरुको बैँकिङ्ग कारोबार प्रभावकारी रुपमा सञ्चालन गरिहेको प्रभु बैंकले मालपोत कार्यालयमा पनि आफ्नाे सेवा विस्तार गर्न सफल भएको छ ।

प्रभु बैँकको एक्स्टेन्सन काउण्टरबाट सम्बन्धित मालपोत कार्यालयमा आउने सेवाग्राहीहरुलाई राजश्व जम्मा गर्न सहज हुनुका साथै दुवै मालपोत कार्यालयहरुको आर्थिक कारोबार बैंकिङ्ग प्रणालीमा प्रवेश गरेको छ ।

प्रभु बैँकका दुवै एक्स्टेन्सन काउण्टरहरुबाट प्रवाह गरिने बैँकिङ्ग सेवाबाट स्थानीयबासी तथा सेवाग्राहीहरु प्रभु बैँकको गुणस्तरीय बैँकिङ्ग सेवा उपभोग गरी लाभान्वित हुने तथा दुवै मालपोत कार्यालयको राजश्व संकलन प्रक्रियामा सहजता आई राजश्व संकलनमा टेवा पुग्ने बैँकले विश्वास लिएको छ ।

प्रभु बैँकले १९३ वटा शाखा कार्यालय, १५२ वटा ATM तथा २६ वटा एक्स्टेन्सन काउण्टरहरुमार्फत् अत्याधुनिक प्रविधियुक्त गुणस्तरीय बैंकिङ्ग सेवा प्रवाह गरिरहेको छ ।

प्रतिक्रिया
सम्बन्धित