बुधबार, २७ कार्तिक २०७६
DainikNepal.com
बुधबार, २७ कार्तिक २०७६

बालुवाटारमा ओली–दाहालबीच गम्भीर बहस, कुरै मिलेन

दैनिक नेपाल २०७६ साउन ७ गते ९:००

काठमाडौं, ७ साउन । सत्तारुढ नेपाल कम्युनिस्ट पार्टी (नेकपा)को स्कुल विभागलाई लिएर भएको विवाद समाधान हुने कुनै संकेत देखिएको छैन ।

विभागको नेतृत्व पूर्वएमाले र माओवादीका नेताहरूले दाबी गरेपछि विवाद सतहमा आएको थियो । उपप्रधान एवम् रक्षामन्त्री ईश्वर पोखरेल र नेकपाका प्रवक्ता नारायणकाजी श्रेष्ठले विभागको नेतृत्वमा दाबी गर्दै आएका छन् । पोखरेल ओली निकटका हुन् भने श्रेष्ठ नेकपाका दोस्रो अध्यक्ष पुष्पकमल दाहाल निकट मानिन्छन् ।

स्कुल विभागको विवाद मिलाउने प्रयास स्वरुप सोमबार साँझ प्रधानमन्त्री ओलीले दाहालसँग परामर्श गरेका छन् । परामर्शमा के–के कुरा भएको थियो भन्नेबारे केही भनिएको छैन ।

तर, ओली र दाहालले केन्द्रीय सचिवालयको बैठकलाई साउन ९ गतेसम्मका लागि सार्ने सहमति गरेका छन् ।

हुन त पूर्वमाओवादी नेताहरूको केही दिन अगाडि खुमलटारमा बसेको बैठकले स्कुल विभाग नछाड्ने सहमति कायम गरेको थियो । त्यति मात्रै होइन खुमलटारमा ईश्वर पोखरेललाई स्कुल विभाग दिँदा मदन भण्डारीको बहुदलीय जनवाद (जबज)लाई स्थापित गर्ने भन्दै चिन्ता जनाइएको थियो ।

खुमलटारको बैठकले व्यक्ति विशेषलाई नै निशाना बनाएर छलफल चलाएपछि स्कुल विभागले टुंगो पाउन सकेको छैन ।

पोखरेलसँग पूर्वमाओवादी नेताहरू किन यति धेरै डराएका छन् भन्ने धेरैले सोँच्न बाध्य भएका छन् ।

प्रतिक्रिया
सम्बन्धित