साउदी अरबमा मोरङका दाहाललाई मृत्यु दण्डको सजाय

युएई । साउदी अरबको अदालतले एक जना नेपालीलाई स्थानीय कानून अनुसार मृत्युदण्डको फैसाला गरेको छ ।

मोरङ जिल्लाको दयपुरको बसाहा–७ बैंकडाडाका विवेक दाहाललाई साउदी अरेबियाको पुनरावेदन अदालतले मृत्युदण्डको सजाय सुनाएको हो । आफ्नै नातेदारको हत्यामा दोषी ठहरिएका उनलाई पुनरावेदन अदालतले मृत्युदण्डको फैसला सुनाएको छ ।

दाहालले मोरङ, बबियाविर्ता–३ का राजेन्द्र विष्टलाई २००७ फेब्रुअरी २ मा सुतिरहेको अवस्थामा हत्या गरेको अभियोगमा विगत १२ वर्षदेखि जेलमा रहेका थिए ।

दाहालको जीवनरक्षाका लागि रिहादस्थित नेपाली दूतावासले निजी कानूनअनुसार पीडित पक्षलाई ब्लडमनी रकम दिई माफी दिन अदालतसमक्ष अनुरोध गरेको थियो ।