बेल्जियम । नेपाली कांग्रेसले नेपाली जनसम्पर्क समिति बेल्जियमको विवाद अन्त्य गर्दै पुरानै कार्यसमितिलाई मान्यता दिएको छ ।
कांग्रेसका महामन्त्री डा.शशांक कोइरालाले नेपाली जनसम्पर्क समिति बेल्जियमकी सभापति सीता सापकोटालाई काम गर्न निर्देशन दिँदै पुरानै कार्यसमितिलाई निरन्तरता दिएका हुन् । महामन्त्री डा.कोइरालाको निर्देशनपछि जनसम्पर्क समिति बेल्जियमको विवाद टुंगिएको छ ।
बेल्जियममा दुई वटा समूहबीच विवाद हुँदा समस्या हुँदै आएको थियो ।
बेल्जियमको अधिवेशन गराउन आएका केन्द्रीय प्रतिनिधि एवम् कांग्रेसका बैकल्पिक केन्द्रीय सदस्य किरण शर्मा पौडेलले आफूले पाएको जिम्मेवारी विपरित विधान विपरित अर्को समूहलाई सभापतिसहितको कार्यसमिति बनाएपछि विवादले उग्ररुप लिएको थियो ।
त्यसपछि सीता सापकोटा समूहले नेपाली कांग्रेसको केन्द्रीय कार्यलय सानेपामा उजुरी दिएको थियो । छानविनपछि कांग्रेसका महामन्त्री डा.कोइरालाले सीता सापकोटालाई अर्को व्यवस्था नहुँदासम्म काम गर्न निर्देशनात्मक आदेश दिएका छन् ।
महामन्त्री डा.कोइरालाले केन्द्रीय कार्यालय सानेपामा वैशाख १० गते च.नं. २३२ को पत्र पार्टी विधानको धारा २७ (१) को समेत प्रतिकूल रहेको भन्दै स्वतः बदर गरिएको जनाएका छन् ।
उनले जनसम्पर्क समिति बेल्जियमको अधिवेशनको सम्पूर्ण तयारी गरी केन्द्रीय प्रतिनिधिका लागि नेपाली कांग्रेसको केन्द्रीय कार्यालयमा पत्राचार गर्न निर्देशन दिएका छन् ।
प्रतिक्रिया