सोमबार, ९ वैशाख २०७६
DainikNepal.com
सोमबार, ९ वैशाख २०७६

पाँच जना न्यायाीशहरूविरुद्ध उजुरी

दैनिक नेपाल २०७६ वैशाख २ गते २१:२५

काठमाडौं, २ वैशाख । सर्वोच्च अदालतको न्यायाधीश नियुक्तिका लागि सिफारिस भएका ५ जनाविरुद्ध संघीय संसदको सुनुवाइ समितिमा पाँचवटा उजुरी परेका छन् ।

न्यायाधीशमा सिफारिस प्रकाश ढुंगानाविरुद्ध दुई र हरि फुयालविरुद्ध एउटा उजुरी परेको छ । न्यायाधीश नियुक्ति प्रक्रियामाथि नै प्रश्न उठाउँदै थप दुई उजुरी परेका छन् ।

चैत १८ मा बसेको न्यायपरिषद् बैठकले सर्वोच्चको न्यायाधीश नियुक्त गर्न हरि फुयाल, कुमार रेग्मी, प्रकाश ढुंगाना, सुष्मलता माथेमा र मनोजकुमार शर्माको नाम सिफारिस गरेको छ ।

समितिले पाँचै जनाविरुद्ध चैत २१ मा सार्वजनिक सूचना जारी गरी उजुरी आहवान गरेको थियो । उजुरीमाथि सुनुवाइ समितिको मंगलबार बस्ने बैठकमा छलफल हुनेछ ।

बैठकमा प्रमुख निर्वाचन आयुक्तमा सिफारिस दिनेशकुमार थपलियाविरुद्ध परेको उजुरीमाथि समेत छलफल हुने भएको छ । थपलियाविरुद्ध समितिमा ६ वटा उजुरी परेका छन् । समावेशी आयोगको सदस्यमा सिफारिस विष्णुमाया ओझाविरुद्ध भने उजुरी परेको छैन ।

प्रतिक्रिया
सम्बन्धित