आइतबार, १ भदौ २०७६
DainikNepal.com
आइतबार, १ भदौ २०७६

यस्तो थियो मन्त्री रबीन्द्र अधिकारीको अन्तिम सम्बोधन (भिडियोसहित)

दैनिक नेपाल २०७५ फागुन १५ गते १९:१०

तेह्रथुम, १५ फागुन । संस्कृति, पर्यटन तथा नागरिक उड्डयनमन्त्री रवीन्द्र अधिकारीको हेलीकप्टर दुर्घटनामा निधन भएको छ ।

तेह्रथुमको आठराई चुहानडाँडामा रहेको थुम्की डाँडामा एयरपोर्ट निर्माणका लागि स्थलगत निरीक्षण, सम्भाव्यता अध्ययन र स्थानीय सँगको छलफलका लागि मन्त्री अधिकारी पुगेका थिए । उनी चुहानडाँडामा बुधबार बिहान ९:५३ मा पुगेका थिए ।

चुहानडाँडामा स्थानीयले मन्त्री अधिकारीलाई न्यानो  स्वागत गरेका थिए । हँसिलो मुहारमा पहिलोपटक चुहानडाँडामा मन्त्री आउँदा आठराई बासिको २०३२ सालदेखिको सपना पुराहुने आसा लिएका थिए । कार्यक्रमको स्टेजमा प्रवेश गर्दै मन्त्री अधिकारीले मौसम अनुकुल नभएकाले कार्यक्रम छिटो गर्ने आयोजकलाई निर्देशन दिएका थिए ।

मन्त्री अधिकारीले १०:३७ बजेदेखि करिब साढे १० मिनेट सम्बोधन गरेका थिए । सम्बोधनमा मन्त्रीले चुहानडाँडामा एयरपोर्टको सन्दर्भ चलाउन होइन, एयरपोर्ट बनाउन आएको बताउँदै अबको ३ वर्ष भित्रमा एयरपोर्ट बन्ने प्रतिबद्धता व्यक्त गरेका थिए । हातमा एयरपोर्टको इस्टमेट र नक्सा देखाउदै मन्त्रीले ८७ करोड लागतमा एयरपोर्ट बन्ने उल्लेख गरेका थिए ।

चुहानडाँडाको कार्यक्रम बाट करिव १२:१५ मा फर्किएका अधिकारीको टाेली  आठराई ईवा स्थित प्रधानमन्त्री केपी शर्मा ओलीको जन्म घर हेर्दै काठमाडौ फर्कने कार्यक्रम रहेको थियो ।  तर, उनीहरु ताप्लेजुङ पुगेर पाथीभरा मन्दिरकाे दर्शन गरेर फर्किएलगत्त्तै हेलीकप्टर दुर्घटनामा परि निधन भयो । मन्त्री अधिकारीले चुहानडाँडा गरेको सम्बाेधन नै अन्तिम बन्न पुग्यो ।

हेर्नुहोस् मन्त्री रबीन्द्र अधिकारीको अन्तिम सम्बाेधन :

तेह्रथुमबाट अमृत बास्तोलाको सहयोगमा

प्रतिक्रिया
सम्बन्धित