काठमाडौं, २१ भदौ । साफ च्याम्पियनसिपमा नेपालले दोस्रो खेलमा भुटानलाई ४-० ले पराजित गरेको छ ।
बिहीबार बंगलादेशको बंगबन्धु रंगशालामा भएको खेलमा नेपालले उत्कृष्ट प्रदर्शन गर्यो ।
खेलको २१ औं मिनेटमा नेपालका लागि अनन्त तामाङले गोलको खाता खोले । त्यसपछि सुनिल बल, भरत खवास र निराजन खड्काले १-१ गोल गरे ।
भुटानमाथिको जितसँगै नेपालले सेमिफाइनलमा पुग्ने आशालाई जीवितै राखेको छ । उता भुटान खेल अगावै प्रतियोगिताको समूह चरणबाट बाहिरिएको छ ।
यसअघि नेपाल पहिलो खेलमा पाकिस्तानसँग २-१ ले पराजित भएको थियो ।
प्रतिक्रिया