काठमाडौं, ३ भदौ । आइएमई लाइफ इन्स्योरेन्स कम्पनीले आफ्नो ब्यवसायिक कारोवार सञ्चालनको एक वर्ष पूरा गरेको छ ।
सो अवसरमा आयोजित एक कार्यक्रममा कम्पनीका सञ्चालक समितिका अध्यक्ष डा. रामहरि अर्यालले बीमा बजारमा कम्पनीले प्रतिस्पर्धात्मक उपस्थिति जनाएको बताए ।
ब्यवसाय सुचारु भएको प्रथम वर्षमा नै कम्पनीले देशका सातै प्रदेशका विभिन्न ५० स्थानमा शाखाकार्यालयहरु स्थापना गरी बीमा सेवा पुर्याउदै आएको छ । कम्पनीले चालु आर्थिक बर्ष २०७५/७६ मा समेत ४५ शाखाहरु बिस्तार गरि बीमाको पहुँच तथा सेवामा गुणात्मक देन दिने योजनातर्जुमा गरेको छ ।
कम्पनीले आर्थिक बर्ष २०७४/७५ मा ५३ करोड ५० लाख बीमाशुल्क संकलन गर्न सफल भएको थियो ।
प्रतिक्रिया