सुरक्षा कारबाहीमा २० लडाकू मारिए

काबुल, ११ मंसिर । अफगानिस्तानको रक्षा मन्त्रालयले पछिल्लो सुरक्षा कारबाहीका क्रममा २० जना भन्दा बढी लडाकू मारिएको जनाएको छ ।

मन्त्रालयले आइतबार जारी गरेको वक्तव्यमा अरू कम्तीमा ३३ जना घाइते भएको पनि उल्लेख गरेको छ ।

अफगानिस्तानका सुरक्षा निकायहरुले १२ ओटा ‘क्लिनअप अप्रेसन’ र १५ ओटा विषेश सुरक्षा कारबाही चलाएको बताएका छन् ।

उनीहरुले लडाकूहरुलाई लक्षित गरी लामो समयदेखि हवाई आक्रमण पनि विभिन्न ठाँउमा गरिरहेका छन् । – सिन्ह्वा