झापाको कमल गाउँपालिकामा कांग्रेस–एमालेको बराबर मत, कसले बाजी मार्ला ?

काँकडभिट्टा (झापा), २० असार । कमल गाउँपालिकाको अध्यक्ष पदका उम्मेदवारको मत बराबरी आएपछि अन्योल सिर्जना भएको छ ।

आज आएको मतपरिणाम अनुसार नेकपा एमालेका अध्यक्षका उम्मेदवार मेनुका काफ्ले र काँग्रेसका हुकुमसिंह राईको मत बराबर आएपछि पुनःगणना गर्ने या गोलाप्रथा गर्ने भन्ने बारेमा अन्योल भएको छ ।

एमालेकी काफ्ले र काँग्रेसका राई दुवैले आठ हजार २७५ मत प्राप्त गरेको निर्वाचन अधिकृत प्रेमप्रसाद लुइँटेलले जानकारी दिनुभयो । उहाँका अनुसार सो गाउँपालिकामा राजनीतिक दलबीच गोलाप्रथाका लागि सहमतिको प्रयास भइरहेको छ । उहाँले दलहरुबीच कुरा नमिलेमा पुनः मतगणना हुने बताउनुभयो । रासस