कमल थापाको गृहजिल्लामा एमालेले झण्डा गाड्यो! थाहा नगरबाट विजयी सुरुवात

काठमाडौं, १ जेठ । स्थानीय तहको पहिलो चरणको निर्वाचनअन्तर्गत मकवानपुरमा नेकपा एमालेले विजयी सुरुवात गरेको छ । मकवानपुर राप्रपा अध्यक्ष कमल थापाको गृह जिल्ला हो ।

मकवानपुरको थाहा नगरपालिका– ५ मा एमाले उम्मेदवार बिष्णु बहादुर गुरुङ लगायत प्यानलै बिजयी भएको पार्टीका सचिव योगेश भट्टराईले जानकारी दिएका छन् ।

सुर्खेतमा पनि पुरै प्यानलै विजयी

यता सुर्खेतमा पनि नेकपा एमालेले सानदार जित हात पारेको छ । सुर्खेतको लेकबेसी नगरपालिका १ मा एमालेका अध्यक्ष मानबहादुर पुनसहित पुरै प्यानल बिजयी भएको सचिव योगेश भट्टराईले बताए ।