काठमाडौँ, ३१ बैशाख । नयाँ शक्ति नेपाल पार्टीका संयोजक डा. बाबुराम भट्टराईले मतगणना सुरु नहुँदै आफ्नो पार्टी पराजित हुने संकेत गरेका छन् ।
स्थानीय तहमा बैकल्पिक राजनीतिक प्रभाव कम देखिने उनले बताएका छन् । सामाजिक सञ्जाल ट्वीटरमा भट्टराईले लेखेका छन् – ‘वैकल्पिक राजनीतिको विमर्श केन्द्रीय स्तरमा बढी सान्दर्भिक र प्रभावकारी हुने भएकोले स्थानीय निर्वाचनमा उसको कम प्रभाव देखिन सक्छ, पर्खेर हेरौं ।’
पूर्वप्रधानमन्त्री समेत रहेका भट्टराईले आइतबार गृहजिल्ला गोरखाको पालुंगटार नगरपालिका वडा नम्बर १ स्थित अन्नपूर्ण माविको बुथमा मतदान गरेका थिए ।
माओवादी पार्टीका संस्थापक नेता समेत रहेका भट्टराईले वैकल्पिक शक्तिका रुपमा नयाँ शक्ति पार्टी खोले पनि धेरैजस्तो जिल्लामा उनका प्रभाव न्यून देखिएको छ ।
भट्टराईले उपेन्द्र यादव नेतृत्वको संघीय समाजवादी पार्टीसँग कार्यगत एकता गर्दै निर्वाचनमा भाग लिएका छन् ।
प्रतिक्रिया