राजीनामा फिर्तापछि निधिले गरे महाअभियोग प्रस्ताव फिर्ता हुने संकेत

काठमाडौं, २१ बैशाख । उपप्रधान एवम् गृहमन्त्रीबाट दिएको राजीनामा प्रस्ताव फिर्ता लिएसंगै विमलेन्द्र निधिले प्रधानन्यायाधीश सुशीला कार्कीमाथि लगाइएको महाअभियोग फिर्ता हुन सक्ने संकेत दिएका छन् ।

जनकपुर विमानस्थलमा पत्रकारहरुसंग संक्षिप्त कुराकानी गर्दै गृहमन्त्री निधिले महाअभियोगबारे छलफल हुन सक्ने बताएका छन् ।
उनले संविधान संशोधन र महाअभियोग फिर्ताको विषयमा अब छलफल केन्द्रीत हुने धारणा राखे ।

सोहीअनसरमा बोलदै निधिले मधेस मुद्दाको सम्बोधन, स्थानीय निर्वाचन र देश र जनताको आवश्यकताको जिम्मेवारीलाई ध्यानमा राख्दै मन्त्री पदबाट दिएको राजीनामा फिर्ता लिएको बताएका छन् ।

उनले महाअभियोग प्रस्ताव दर्ता र आइजीपी नियुक्तिमा आफ्नो असहमति भएपछि राजीनामा दिएपछि नेपाली काँग्रेसका सभापति र प्रधानमन्त्रीको आग्रह र राष्ट्रिय समस्याको संवेदनशीलतालाई दृष्टिगत गर्दै आफूले राजीनामा फिर्ता लिएको स्पष्ट पारे ।

आफूले मन्त्री पदबाट राजीनामा दिएपछि मधेसी मोर्चाका नेताले राजीनामाका बारेमा पुनर्विचारको सुझाव दिएको उनले बताए ।