काठमाडौं, ९ चैत । चित्रबहादुर केसीको राष्ट्रिय जनमोर्चा, सिपी मैनालीको नेकपा माले र नारायणमान विजुक्छेको नेपाल मजदुर किसान पार्टी विपक्षी नौ दलीय गठबन्धनबाट बाहिरिने भएका छन् ।
राजनीतिक व्यवस्थासम्बन्धी विधेयकमा थ्रेसहोल्ड मुद्दामा एमालेले साथ नदिएपछि यीं दलहरु गठबन्धनबाट बाहिरिन लागेका हुन् ।
किन छोड्दैछन् गठबन्धन ?
नेकपा एमालले राजनीतिक व्यवस्था सम्बन्धी विधेयकमा जबरजस्ती थ्रेस होल्डको व्यवस्था हुनुपर्ने एजेण्डाको नेतृत्व गरेको भन्दै चित्रबहादुर र सिपी र नारायणमानले केपीको साथ छोड्न लागेको बताइएको छ ।
राज्य व्यवस्थासमिति अन्तर्गतको उपसमितिमा एमालेले जबर्जस्ती थ्रेस होल्ड राख्नुपर्ने एजेण्डाको नेतृत्व गरेकाले उसको पछि आफूहरु नलाग्ने चेतावनी ती दलले दिएका हुन् । नेमकिपाका प्रमुख सचेतक प्रेम सुवालले विपक्षी गठबन्धनमा रहेको प्रमुख दल एमालेले साना दललाई बाइपास गर्ने कामको नेतृत्व गरेका आरोप लगाए ।
एमाले यही हिसाबले अगाडि बढ्ने हो भने गठबन्धनमा आफूहरु रहिरहनुको औचित्य नहुने र गठबन्धन तोडिने उनले बताए । त्यस्तै, नेकपा मालेका प्रमुख सचेतक अइन्द्रसुन्दर नेम्वाङले गठबन्धन संस्कृतिविपरीत एमाले एकलौटी ढंगले अगाडि बढ्न खोजेकाले आफूहरुले गठबन्धनबकाट बाहिरिन लागेको जानकारी दिए ।
उपसमितिले राजनीतिक दलको मान्यता पाउन निर्वाचनमा प्रत्यक्षतर्फ कम्तिमा एक सिट जित्नैपर्ने र समानुपातिकतर्फ कुल खसेको मतको ३ न्युनतम ३ प्रतिशत ल्याउनैपर्ने व्यवस्थासहितको विधेयक संसदमा पेश गर्ने तयारी गरेको छ ।
अब मधेशी मोर्चासंग सहकार्य

नौं दलीय गठबन्धनमा रहेको यी तीत दलहरुले थ्रेस होल्डकै कारण बाहिने तयारी गरेपछि अब यो एजेन्डामा मधेशी मोर्चासंग सहकार्य गर्ने भएका छन् । मधेशी मोर्चाले पनि थ्रेस होल्डको विरोध गर्दै आएको छ । अन्य साना दलहरुले पनि यो एजेन्डाको विपक्षमा छन् । उनीहरुले संविधानमै नभएको थ्रेस होल्डको व्यवस्थाले समावेशीतामाथि प्रहार गरेको आरोप लगाएका छन् ।












प्रतिक्रिया